Երեւանի նախկին ոստիկանապետ Ներսիկ Նազարյանը ՔԿՎ վարչության պետի պաշտոնը ստանձնելու առաջարկ չի ստացել, սակայն եթե ստանա, կմտածի՝ ընդունել այն, թե ոչ: Այս մասին NEWS.am-ի հետ զրույցում ասաց նախկին ոստիկանապետը:
«Չկա նման բան, բացարձակ ոչ մի առաջարկ չկա, իսկ եթե առաջարկ լինի լինի կմտածեմ: Եթե նորմալ առաջարկ լինի, ինչո՞ւ չպիտի համաձայնվեմ, բայց նորից եմ ասում՝ այս պահին ոչ մի առաջարկ չկա»,- ասաց նա:
Ներսիկ Նազարյանի խոսքով՝ ինքն այս պահին զբաղվում է իր առօրյա կյանքով, իր ընտանիքով, թոռնիկներով:
Նշենք, որ «Չորրորդ իշխանություն» թերթը հուլիսի 19-ին գրել էր. «ԱՆ ՔԿՎ վարչության պետ Հայկ Հարությունյանի պաշտոնանկությունից հետո ՔԿՎ վարչության պետի աթոռին հայտնվելու է Ներսիկ Նազարյանը։ Հիշեցնենք, որ ոստիկանապետ Վլադիմիր Գասպարյանի հրամանով աշխատանքից ազատվել եւ կադրերի ռեզերվ էր ուղարկվել Երեւան քաղաքի ոստիկանապետ, գեներալ-մայոր Ներսես Նազարյանը»:
