Ոստիկանության կազմակերպված հանցավորության դեմ պայքարի գլխավոր վարչության թմրամիջոցների անօրինական շրջանառության դեմ պայքարի վարչության աշխատակիցները վերջին 1.5 ամսվա ընթացքում 3 դեպք են բացահայտել, երբ Ֆրանսիայից անօրինական թմրամիջոց է բերվել Հայաստան:
Առաջին դեպքը գրանցվել է մայիսի 27-ին: Կոտայքի մարզի Պռոշյան գյուղի բնակչուհի, 58-ամյա կինը բերման էր ենթարկվել ոստիկանության բաժին, որովհետեւ իր մոտ հայտնաբերվել էին «Սուգուտեսկ» տեսակի դեղահաբ: Կինը ոստիկանությունում պատմել էր, թե այդ ծանրոցն ուղարկել էին Ֆրանսիայից՝ հատուկ «Կոշ» քրեակատարողական հիմնարկում գտնվող իր հարեւանի՝ Էդուարդ Պողոսյանի հետ:
Երկրորդ դեպքը հուլիսի 11-ին էր, երբ ոստիկանները Բաղրամյան փողոցից բերման էին ենթարկել նախկինում դատապարտված Լեւոն Բաբայանին: Նրան նույնպես Ֆրանսիայից ծանրոց էին ուղարկել՝ խաղալիք ավտոմեքենաներ, որոնց մեջ հայտնաբերվեցին 51 հատ դեղահաբ:
Երրորդ ծանրոցը նույնպես Ֆրանսիայից էր ուղարկվել: Հուլիսի 17-ին ոստիկանները բերման էին ենթարկել Մուշեղ Հակոբյանին, որին ուղարկված տաբատների մեջ նույնպես թմրամիջոց կար:
Մանրամասները ոստիկանության պատրաստած տեսանյութում:
