Մոլդավիայի կառավարությունն արտակարգ ժողով կանցկացնի մրգեր եւ բանջարեղեն արտադրողների եւ արտահանողների մասնակցությամբ, որի ժամանակ կքննարկի Ռուսաստանից արտադրանքի ներկրման ժամանակավոր արգելքով պայմանավորված իրավիճակից ելքի ուղիները:
Ինչպես հաղորդում է «Ուկրինֆորմը», վկայակոչելով երկրի կառավարության մամուլի ծառայությանը, Մոլդավայի վարչապետը պահանջել է մասնագիտական գերատեսչություններից արագ ժամանակում ներկայացնել Ռուսաստանի կողմից մրգերի եւ բանջարեղենի ներկրման արգելքի իրավաբանական կողմերի մանրամասն վերլուծություն: Կառավարության ղեկավարը նաեւ կոչ է արել արագացնել Եվրամիության հետ ազատ եւ համապարփակ առեւտրի գոտու մասին համաձայնության իրագործման ընթացակարգերը: Ավելի վաղ «Ռոսսելխոզնադզորը» ժամանակավոր արգելք էր սահմանել մոլդովական մրգերի եւ բանջարեղենի ներկրման համար, հաղորդում է «Ռոսբալտը»:
Հիշեցնենք, որ հունիսի 27-ին Ուկրաինան, Վրաստանը եւ Մոլդովան ԵՄ հետ ասոցացման համաձայնագրի տնտեսական մասն են ստորագրել: Այդ կապակցությամբ Մոլդավիան նախազգուշացրել է հնարավորության մասին անցնել առավել արտոնյալ ռեժիմի:
