ԱՄՆ-ի Ֆլորիդա նահանգում բանվորների հայտնաբերած մանեկենը, պարզվում է, մումիայի վերածված դիակ է եղել։ Reuters –ը հայտնում է, որ տունը մաքրելու համար կանչված երկու տղամարդիկ մտածել են, որ ավտոտնակում կախած մանեկեն են գտել։ Կարծելով, թե դա Հելոուինի ոճի կատակ է եղել, նրանք հանել են այն եւ տարել աղբավայր։ Սակայն  տհաճ հոտ զգալով ինչ-որ բան են կասկածել եւ դիմել համապատասխան մարմիններին, որոնք էլ պարզել են, որ  ենթադրյալ «մանեկենը» տղամարդու դիակ է։ Բանվորներին հարցաքննելուց հետո ոստիկանները  եզրակացրել են, որ  նրանք ճշմարտությունն են ասում։

Պատկան մարմինները ենթադրում են, որ 33-ամյա Ջերեմի Վիթֆոթը կախվել էր մի քանի շաբաթ առաջ։ Այժմ պարզվում են մահվան հանգամանքները։