Այսօր՝ հուլիսի 19-ին Անկախության մայդանում ինքնապաշտպանական երկրորդ հայրյուրյակի եւ այլ հարյուրակների ներկայացուցիչների միջեւ բախում է սկսվել առաջինների կողմից Մայդանը վերակազմավորելու առաջարկության պատճառով, հաղորդում է UNIAN-ը:
Ականատեսների խոսքով՝ երկրորդ հարյուրյակի ներկայացուցիչը բեմից կարդացել է հարյուրյակի լիազոր ներկայացուցչի կողմից ստորագրված Մայդանի վերակազմավորման մասին փաստաթուղթը:
Փաստաթղթի տակ ստորագրածների ցուցակի ընթերցման ժամանակ ինքնապաշտպանական հարյուրյակների միջեւ կոնֆլիկտ է ծագել: Մայդանը զբաղեցրած մարդկանց խոսքով՝ փաստաթուղթը Կիեւի կենտրոնական մասից նրանց դուրս վռնդելու առիթ է: Բացի այդ, նրանք այդ փաստաթուղթը կեղծ են համարում. այն չեն ստորագրել ցուցակում նշված մի քանի անձինք: Ծեծկռտուքի ընթացքում անհայտ անձի կողմից հրացանից նախաձգուշական կրակոց է արձակվել:
Փաստաթուղթը ենթադրում է հավաքել բարիկադները փետրվարի 20-ի իրադարձությունների իրեղեն ապացույցների կորստի բացառման համար, թափել ողջ աղբը, հին վրանները փոխարինել նորով, պատմել է երկրորդ հարյուրյակի ներկայացուցիչը