Զինյալների հարձակման հետեւանքով կործանված Boeing-777 օդանավի 196 ուղեւորի դիակ է հայտնաբերվել: Այս մասին տեղեկացնում է Ուկրաինայի արտակարգ իրավիճակների պետական ծառայության (ԱԻՊԾ) կայքը:
«Հուլիսի 20-ի ժամը 7:00-ի դրությամբ, հայտնաբերվել է 196 զոհի մարմին: Որոնողական աշխատանքների ղեկավարը սահմանել է 34 քառ. կիլոմետր տարածք: Հետազոտվել է շուրջ 32 քառ. մետրը»,- ասվում է ծառայության հաղորդագրությունում:
Ուկրաինայի ԱԻՊԾ Խարկովի մարզի գլխավոր վարչությունում աշխատանքներ են տարվում՝ ավիավթարի պատճառների հետաքննությամբ զբաղվող Պետական հանձնաժողովի աշխատանքի համար անհրաժեշտ պայմաններ ստեղծելու նպատակով:
ԱԻՊԾ մամուլի ծառայությունում նշում են, որ որոնողական աշխատանքները դժվարանում են զինյալների ներկայության պատճառով, որոնք խոչընդոտում են գերատեսչության ստորաբաժանումների աշխատանքը:
Որոնողա-փրկարարական աշխատանքներին 380 մարդ է մասնակցում, այդ թվում՝ ջրասույզներ, ինչպես նաեւ 20 միավոր տեխնիկա:
Հիշեցնենք, որ Malaysia Airlines ընկերությանը պատկանող Boeing-777 ինքնաթիռը Կիեւի եւ Ռոստովի դադարել է կապ պահպանել հուլիսի 17-ին, ժամը 16:20-ի սահմաններում: Հետագայում այն հայտնաբերել են Ուկրաինայի Դոնեցկի մարզի Գրաբովո Շախտրոյսկի բնակավայրի մոտակայքում այրվելիս: Օդանավում գտնվող բոլոր ուղեւորներն ու անձնակազմի անդամները՝ ընդհանուր առմամբ 298 մարդ, մահացել են: