Ռուսաստանը Դոնեցկի եւ Լուգանսկի ժողովրդական ինքնահռչակ հանրապետությունների աշխարհազորայիններին մի քանի «Բուկ» զենիթայաին հրթիռային համալիրներ է տրամադրել այլ սպառազինությունների հետ միասին, որոնք տեղափոխվել են ռուս-ուկրաինական սահմանով, գրում է «The Wall Street Journal»-ը՝ վկայակոչելով ԱՄՆ-ի հետախուզությունում առկա աղբյուրին:
Պարբերականի զրուցակիցն ենթադրել է, որ այն բանից հետո, երբ Ուկրաինայի արեւելքում երկնքում հարվածել են «Մալազիական ավիաուղիների» Boeing 777 -ին, համալիրները շտապ կարգով հետ են տարվել Ռուսաստան:
«Մենք գիտենք, որ Ուկրաինայի տարածքում ռուսական զորքեր կան: Ռուս զինվորականներ՝ ռուսական զենք»,- հավելել է բարձրաստիճան պաշտոնյան՝ մեկնաբանելով վերջին հետախուզությունների տվյալները:
Պարբերականի տվյալներով՝ ԱՄՆ-ի հատուկ ծառայություններն ընդհանուր եզրակացության են հանգել, որ մալազիական օդանավին հարվածել են «Բուկ-M1» հրթիռով՝ ըստ ՆԱՏՕ-ի որակավորման՝ «Sa-11 Gadfly»: Ամերիկյան հետախուզությունը պնդում է, որ այդ հրթիռային համալիրներն Ուկրաինայի տարածքում են հայտնվել 2014թ.-ի հուլիսի սկզբին:
Թերթի աղբյուրը ենթադրել է, որ Մոսկվան կա՛մ աշխարհազորայիններին երկու նոր «Բուկ-M1» է ուղարկել, կամ ռազմական խորհրդատուների. Նրանք կարող էին օգնել վերանորոգել մեկ կամ երկու համալիր, որոնք արդեն գտնվում էին ԴԺՀ եւ ԼԺՀ տարածքում: