ՄԱԿ-ի Անվտանգության խորհուրդը հուլիսի 21-ին դիտարկելու է Ուկրաինայում մալայզիական Boeing 777-ի կործանման հետ կապված բանաձեւի նախագիծը:
Փաստաթղթում, որը դիվանագետների քննարկման է ներկայացրել Ավստրալիան, պնդում է, որ «ինքնաթիռին հարվածել են»: Ավելին, Կանբերրան նախագծում կոչ է անում պատահարի բոլոր պատասխատուներին պատասխանատվության ենթարկել:
«Տարածաշրջանի բոլոր երկրներն ու գործող քաղաքական ուժերը պետք է համագործակցեն միջադեպի միջազգային հետաքննության հարցում, այդ թվում՝ պատահարի վայրի անհապաղ հասանելիությունն ապահովելու գործում»,- բանաձեւից մեջբերում է կատարում Reuters-ը:
Մինչ այդ, ամերիկյան իշխանությունները հայտարարում են, որ Malaysia Airlines-ին պատկանող Boeing 777-ին հարվածել են հրթիռով, որն արձակել են ռուսամետ ակտիվիստների կողմից վերահսկվող տարածքից: Այդ մասին հատուկ հայտարարությամբ է հանդես եկել նաեւ ԱՄՆ նախագահ Բարաք Օբաման, ով Արեւելյան Ուկրաինայում անհապաղ զինադադարի կոչ է արել՝ ավիացիոն փորձագետներին ողբերգության վայրում աշխատելու հնարավորություն ընձեռելու համար:
