Հազարավոր քրիստոնյաներ փախչում են Իրաքի Մոսուլից: Քաղաքը գրաված սուննի զինյալները նրանցից պահանջել են կամ մահմեդականություն ընդունել, կամ հարկ վճարել, կամ էլ լքել իրենց տները: Վերջնագիրը հնչեցրել են Մոսուլի մզկիթների աշտարակներում տեղադրված բարձրախոսներից:
Խոսքը ջիզեի մասին է. ոչ մահմեդականների համար հարկատեսած, որը գոյություն է դեռեւս Մուհամմեդ մարգարեի եւ առաջին խալիֆայության ժամանակներում: Եթե քրիստոնյաներն ու հրեաները հրաժարվում էին այն վճարել, նրանց սպանում էին: Իրաքի պատրիարքի խոսքով, ծայրահեղականները նաեւ նշում են այն տները, որտեղ քրիստոնյաներ են բնակվում: Euronews-ի փոխանցմամբ, նշաններ են նկարում նաեւ որոշ շիաների տների վրա:
Քրիստոնյաները փախչում են դեպի Իրաքյան Քուրդիստան, Դոհուք ու Էրբիլ քաղաքներ: «Իրաքի եւ Լեւանտի իսլամական պետություն» ծայրահեղական խմբավորման զինյալներից, որոնք գրավված տարածքներում խալիֆայություն են հռչակել, Իրաքյան Քուրդիստանում արդեն ավելի քան 10 հազար քրիստոնյա ընտանիքներ են ապաստան գտել:
