Մեծ Բրիտանիայի ԱԳ նախարար Ֆիլիպ Հեմոնդը նախազգուշացրել է, որ Ռուսաստանը կարող է լիարժեք միջազգային մեկուսացման ենթարկվել: РБК-ի փոխանցմամբ՝ այս մասին բրիտանացի պաշտոնյան հայտարարել է Sky News հեռուստաալիքի եթերում:
Այս խոսքերը հնչել են Մեծ Բրիտանիայի վարչապետ Դեւիդ Քեմերոնի եւ նրա հոլանդացի գործընկեր Մարկ Ռյուտտեի հայտարարության ֆոնին, ովքեր նշել էին ինքնաթիռի կործանման գործում ռուսամետ ակտիվիստների մեղքն ապացուցելու լույսի ներքո «Ռուսաստանի հանդեպ մոտեցումը վերանայելու» անհրաժեշտության մասին:
Ռուսաստանը պետք է իմանա, որ «ամբողջ աշխարհն ուշադրությամբ հետեւում են, թե նա ինչպես է կատարելու Ուկրաինայում ավիավթարի զոհերի առջեւ պարտավորությունները»:
Հեմոնդը նաեւ հայտարարել է, որ «ահաբեկիչները Ռուսաստանի օգնությամբ փորձում են ոչնչացնել միջազգային հանցագործության ապացույցները»: