Գազայի հատվածում ռազմական գործողությունը կշարունակվի «այնքան, որքան հարկավոր է», հայտարարել է Իսրայելի վարչապետ Բենիամին Նեթանյահուն` հեռուստաուղերձով դիմելով ազգաբնակչությանը: Ըստ նրա` դա արդար պատերազմ է, որն Իսրայելը պատրաստ է մղել այնքան ժամանակ, մինչեւ երկրի քաղաքացիական բնակչությունն անվտանգության մեջ լինի, փոխանցում է BBC-ն:
Նեթանյահուն հավելել է, որ հիմնախնդիրը քննարկել է ԱՄՆ նախագահ Բարաք Օբամայի հետ եւ նրան շնորհակալություն հայտնել աջակցության համար:
Նա նաեւ ցավակցություններն է հայտնել իսրայելցի 13 զինծառայողների հարազատներին, որոնք զոհվել են հուլիսի 20-ին Գազայի հատվածում:
Հիշեցնենք, որ Իսրայելը երրորդ օրն է ցամաքային գործողություն է իրականացնում Գազայի հատվածում: ՀԱՄԱՍ խմբավորման գրոհայինները միեւնույն ժամանակ ուժեղացրել են Իսրայելի տարածքի հրթիռակոծությունը: Գազայի բազմաթիվ բնակիչներ խուճապահար լքել են քաղաքը: Գազայի հատվածում զոհերի ընդհանուր թիվը գերազանցել է 500 -ը:
