Համացանցում քննարկում են տեղեկատվությունն այն մասին, որ վերջերս հայտնված սուպերլուսնի ժամանակ Լի Թոմփսոն աստղագետին հաջողվել է Լուսնի ֆոնի վրա լուսանկարել աջից ձախ տեղափոխվող չբացահայտված թռչող օբյեկտի:
Պետք է անմիջապես նշել, որ շատ հաճախ Լուսնի դիտարկման ժամանակ ուսումնասիրողները նրա վառ սկառավառակի ֆոնին չբացահայտված թռչող օբյեկտներ են նկատում: Տվյալ դեպքում նույնիսկ ենթադրություններ էին առաջ քաշվել, որ բրիտանացին Լուսնի սկավառակի ֆոնին լուսանկարել է Միջազգային տիեզերակայանը, սակայն այդ ժամանակ վերջինս այնտեղ պարզապես չէր կարող լինել, եւ այդ օբյեկտը Միջազգային տիեզերակայանին նման էլ չէ, հաղորդում է «Պուլսարը»:
2014թ. հուլիսի 14-ի գիշերը, հուլիսի 15-ի առավոտյան մեր մոլորակի արբանյակը հասել է իր մերձակետին՝ գտնվելով Երկրից 362062 կմ հեռավորության վրա, ինչը բավականին մոտ է, քանի որ երկնային մարմինների միջեւ հեռավորությունը կազմում է 384 հազար 401 կմ: Ընդ որում, մերձեցումը համընկել է լիալուսնի հետ, եւ այդ համադրությունն էլ «սուպերլուսին» անսովոր գեղեցիկ տեսարանն է ստեղծել:
Շատ աստղագետներ անհամբերությամբ սպասում են այս երեւույթին եւ լուսանկարում են այն տարբեր սարքավորումների օգնությամբ: