Ի լրումն նախորդ«նվաճումների»՝ Ադրբեջանում, մոլագար է հայտնվել:
haqqin.az-ը, վկայակոչելով տեղացի բնակիչներին, հաղորդում է, որ մոլագարը հայտնվել է Սուրախանսկ շրջանի Զըխ գյուղում:
Բնակիչների հաղորդմամբ, գյուղում երիտասարդ է հայտնվել, ով հայտնվում է փողոցում եւ սպասում կանանց: «Հենց հորիզոնում աղջիկ կամ կին է հայտնվում, նա սկսում է հանել շորերը եւ անպարկեշտ գործողություններ կատարել: Մենք շատ ժամանակ ականատես ենք եղել տղամարդու այդ վարքագծին: Հարեւանները մի քանի անգամ քարեր են շպրտել: Կանայք եւ աղջիկները վախից չեն կարողանում փողոց դուրս գալ»:
Գյուղացիների նկարագրությամբ, բարձրահասակ մոլագարը նաեւ մորուք է կրում: «Տեսնելով տղամարդկանց, նա փախչում է: Դրա համար նրան գտնելը շատ բարդ է»:
Տեղամասային տեսուչ Ազեր Նասիբովը տեղյակ չէ տեղի ունեցածի վերաբերյալ: «Այդ մասին մենք տեղեկություններ չունենք: Մենք հետաքննություն ենք անցկացնում: Հնարավոր է, այդ մարդը հոգեկան հիվանդ է: Նման դեպքեր երբեմն պատահում են: Ցավոք, առանց դատարանի համապատասխան որոշման, մենք չենք կարող հոսպիտալացնել վերջինիս: Դրա համար անհրաժեշտ է ստանալ հիվանդի ընտանիքի համաձայնությունը: Մենք կստուգենք տվյալ փաստը եւ եթե այն հաստատվի, ապա համապատասխան քայելր կձեռնարկենք»:
