ԱՄՆ-ի նախկին պետքարտուղար Հիլարի Քլինթոնը պահանջում է անհրաժեշտ քայլեր ձեռնարկել մալայզիական «Բոինգի» վթարի պատճառները պարզելու ուղղությամբ:
«Մենք պետք է ավելի շատ բան անենք հիմնավոր հետաքննություն անցկացնելու համար: Սա անհրաժեշտ է ոչ միայն իբրեւ հարգանքի տուրք զոհերի հիշատակին, այլեւ մեղավորների մասին հարցի պատասխանը գտնելու համար», - Facebook-ում գրել է Քլինթոնը:
Նա նաեւ կողմ է արտահայտվել Ռուսաստանի նկատմամբ պատժամիջոցները խստացնելուն՝ վերջինիս «նման պահվածքի» համար:
Նախկին պետքարտուղարի խոսքով՝ ԱՄՆ-ն պետք է Եվրոպային համոզի, որ այն այնքան էլ լուրջ կախում չունի ռուսական էներգետիկ մատակարարումներից: Նա նաեւ եվրոպացիներին կոչ է արել ավելի շատ աջակցել ուկրաինացիներին սահմանների պաշտպանության եւ ինքնապաշտպանության հարցում, փոխանցում է BBC-ի ռուսական ծառայությունը:
