Պաղեստինի փախստականների օգնության ՄԱԿ-ի մերձավորարեւելյան գործակալությունը (UNRWA) հաղորդել է, որ Գազայի հատվածում ներկա հակամարտության ժամանակ ապաստան տրամադրելու խնդրանքով նրանց են դիմել ավելի քան 100 հազար մարդ:
Դա երկու անգամ ավելի է, քան 5 տարի առաջվա հակամարտության ժամանակ, ընդգծել է գործակալությւան ներկայացուցիչ Քրիս Գիննեսը, հաղորդում է BBC-ը:
Ներկայումս Իսրայելը պաղեստինյան ՀԱՄԱՍ խմբավորման զինյալների դեմ գործողությունների շրջանակներում շարունակում է Գազայի հատվածում ինտենսիվ ռմբակոծությունները:
Ինչպես ավելի վաղ էր հաղորդվել, զոհված պաղեստինցիների թիվը հաշվվում է 570 մարդ: Հակամարտության ընդամենը երկու շաբաթվա ընթացքում Իսրայելի բանակից զոհվել են 27 զինվոր եւ սպա: