ՀՀ արտգործնախարար Էդվարդ Նալբանդյանը հուլիսի 22-ին Բրյուսելում կհանդիպի ԵԱՀԿ ՄԽ համանախագահների հետ: Սպասվում է, որ հանդիպմանը կքննարկվի Հայաստանի եւ Ադրբեջանի նախագահների հանդիպման հարցը:
Բրյուսելում Էդվարդ Նալբանդյանը կմասնակցի ԵՄ եւ Արեւելյան գործընկերության երկրների արտգործնախարարների հանդիպմանը: Հանդիպմանը նախատեսվում է նաեւ Ադրբեջանի արտգործնախարար Էլմար Մամեդյարովի մասնակցությունը: Հայտնի չէ՝ Մամեդյարովը կհանդիպի՞ ԵԱՀԿ ՄԽ համանախագահների հետ, թե՞ ոչ:
Հիշեցնենք, բարձր մակարդակով հանդիպում անցկացնելու նախաձեռնությունը Երեւան այցի ընթացքում հնչեցրել էր Ֆրանսիայի նախագահ Ֆրանսուա Օլանդը: