Ռուսաստանի Պետդումայի պատգամավորների խումբն օրինագիծ է մշակել, որն առաջարկում է գերշահույթների հարկ սահմանել: Խմբի ղեկավար, Պետդումայի էներգետիկայի հանձնաժողովի անդամ Անդրեյ Կրուտովը կարծում է, որ տվյալ հարկատեսակից ստացված միջոցները պետք է ուղղվեն ռուսական նոր շրջանների՝ Ղրիմի եւ Սեւաստոպոլի զարգացմանը, գրում է «Իզվեստիան»:
Նրա խոսքով՝ այս պահին օրինագիծը իրավաբանական փորձաքննություն է անցնում եւ մինչեւ 2014թ. աշուն կներկայացվի խորհրդարանի ստորին պալատի քննարկմանը:
«ՌԴ նոր սուբյեկտները՝ Ղրիմը եւ Սեւաստոպոլը, տասնամյակներով ֆինանսավորում չեն ստացել, եւ ներկայումս բյուջեում անհրաժեշտ ներդրումների համար միջոցներ չկան: Ուստի հարցի համալիր լուծում է հարկավոր. Բնակչությունից որոշակի գումարների մեկանգամյա գանձում եւ ոչ բոլորի համար հարկերի ավելացում: Վստահ եմ՝ տարբերակը հավանության կարժանանա բնակչության մեծ մասին եւ կառավարության կողմից», - վստահեցրել է նա:
Օրինագիծը նախատեսում է փոփոխություններ կադարել հարկային օրենսգրքի №244 հոդվածում: Մասնավորապես, քննարկվում է հարկային դրույքը 13-ից 30% դարձնելու հարցը՝ այն ֆիզիկական անձանց համար, որոնց ամենամյա եկամուտը գերազանցում է 12 մլն ռուբլին: