Ռուսաստանի նախագահ Վլադիմիր Պուտինը ստորագրել է այս տարվա հոկտեմբերի 26-ից ձմեռային ժամանակին անցնելու մասին օրենքը:
Երկրի մեծ մասում ժամերը մեկ ժամ հետ կտան եւ հետայսու սլաքների սեզոնային անցում չի իրականացվի:
Մի շարք շրջաններում չեն հրաժարվել մշտական ամառային ժամանակից: Այսպես, Կամչատկա ծայրամասը ժամերի սլաքները չի փոխի՝ եղանակային առանձնահատկություններից ելնելով: Ամառային ժամանակը կպահպանեն նաեւ 4 շրջաններ՝ Չուկոտկան, Ուդմուրտին, Սամարան եւ Քեմերովը:
Ըստ փաստաթղթի, Ռուսաստանի տարածքում 11 ժամային գոտի է հաստատվում:
Ձմեռային եւ ամառային ժամանակի անցումը չեղյալ էր հայտարարվել 2011թ. ամռանը նախագահ Դմիտրի Մեդվեդեւի նախաձեռնությամբ: Այդ ժամանակ սոցհարցումների համաձայն, այդ քայլը խրախուսել էր բնակիչների 73%-ը:
Այժմ Ռուսաստանում գործում է մշտական ամառային ժամանակ՝ աստղագիտականից 2 ժամ առաջ անցնելով, սակայն Ռուսաստանի բնակիչների կարծիքը փոխվել է. 2013թ. սլաքների տեղափոխմանը աջակցել են ռուսաստանցիների ընդամենը 32%-ը: