Հայ գործարար եւ մեկենաս Լեւոն Հայրապետյանի կալանավորումն անսպասելի էր: Մենք կարծում ենք՝ սա թյուրիմացություն է, որը շուտով կպարզվի: Այս մասին հուլիսի 22-ի մամուլի ասուլիսում հայտարարել է ՊՆ նախկին փոխնախարար Վահան Շիրխանյանը: «Տեղի ունեցածը քաղաքական ոչ մի ենթատեքստ չունի, ամեն ինչ կպարզվի շուտով», - կարծում է Շիրխանյանը:
Նշենք, Facebook սոցցանցում Լեւոն Հայրապետյանին աջակցելու համար ստորագրահավաք է սկսվել Free Levon Hayrapetyan էջում: Կազմակերպիչները մտադիր են 20000 ստորագրություն հավաքել:
Լեւոն Հայրապետյանի կալանավորման որոշումը կայացրել էր Մոսկվայի Բասմանի դատարանը: Գործարարին մեղադրանք է ներկայացվել ՌԴ ՔՕ 160 եւ 174 հոդվածներով:
Լեւոն Հայրապետյանը ընդգրկված է հայկական սփյուռքի ամենահարուստ ներկայացուցիչների տասնյակում (10-րդ տեղն է զբաղեցնում):