Վրաստանի Հանրային պաշտպան Ուչա Նանուաշվիլին մեկնաբանել է հուլիսի 19-ին Թբիլիսիի Հավլաբար թաղամասի հայկական Սուրբ Էջմիածին եկեղեցու մոտ տեղի ունեցած միջադեպը եւ պահանջել փոխել գործի որակավորումը:
«Այս գործը պետք է վերաորակավորվի: Լրատվամիջոցները տեղեկություն տարածեցին այն մասին, որ հետաքննությունն անցկացվում է Վրաստանի Քրեական օրենսգրքի 125 հոդվածի համապատասխան (ծեծ): Սակայն Վրաստանի Հանրային պաշտպանի գրասենյակի ներկայացուցիչների անցկացրած հարցումներից եւ միջադեպն արձանագրած տեսանյութերի ուսումնասիրությունից հետո հաստատվում է, որ կարող է լինել խուլիգանություն, խմբակային բռնության կազմակերպում, առողջությանը վնաս հասցնել:
Միաժամանակ, Վրաստանի իրավապահ մարմինները պետք է խորը եւ մանրակրկիտ հետաքննեն գործի բոլոր հանգամանքները, այդ թվում՝ այնպիսիք, որոնք կարող են մատնանշել էթնիկ հողի վրա կատարված հանցագործության հանգամանքը»,- Վրաստանի Հանրային պաշտպանի խոսքերն է մեջբերում Գրուզիա Online-ը:
