«Պաշտպանության սահման» գործողության ընթացքում զոհվածների թիվը գերազանցում է 600-ը:
Պաղեստինյան աղբյուրների տվյալներով, անցյալ գիշեր հրթիռակոծությունների հարձակումների զոհ է դարձել 12 պաղեստինցի, 55 մարդ վիրավոր է: Այսպիսով, Գազայի հատվածում զոհվածների թիվը գերազանցել է 580-ը, իսկ զոհված իսրայելական զինծառայողների թիվը, ըստ պաշտպանության նախարարության, 27-ն է:
Մեկ զինվոր համարվում է անհետ կորած. 2 օր առաջ նրա զրամեքենան Գազայի հատվածի սահմանին խփվել է: Զինվորականները կարծում են, որ զինվորին կամ նրա մարմինը կարող էին վերցնել պաղեստինցիները:
Միաժամանակ, չեն դադարում Իսրայելի տարածքի հրթիռակոծությունները: Հուլիսի 22-ի գիշերն ու առավոտյան զինյալները հրթիռներ են արձակել Բաեր-Շեւայի եւ Աշդոդի ուղղությամբ: Euronews-ի փոխանցմամբ, հրթիռների մեծ մասը կործանել են «Երկաթե գմբեթ»-ով:
Առավոտյան պաղեստինյան կողմից հաղորդագրություն է ստացվել հնարավոր հինգժամյա մարդասիրական զինադադարի մասին, որին, իբր, երկու կողմն էլ համաձայնել է: Սակայն իսրայելական լրատվամիջոցների տեղեկացմամբ, հրեական պետությունն առայժմ այդ տարբերակը չի դիտարկում:
Հորդանան գետի Արեւմտյան ափին ամեն օր ՀԱՄԱՍ-ին աջակցող ցույցեր են անցկացվում: Առավոտյան ծայրահեղական երիտասարդներն իսրայելցի զինվերների ուղղությամբ քարեր են նետել: Ի պատասխան՝ բանակը ստիպված է եղել հատուկ միջոցառումներ ձեռնարկել: Հաղորդվում է բախման ընթացքում զոհված մեկ պաղեստինցու մասին: