Սեւանի ցամաքեցման մեղավորները պետք է պատասխանատվություն կրեն: Այդ մասին այսօր՝ հուլիսի 22-ին, լրագրողին հայտարարել է «Տնտեսական միության» համակարգող Սիվա Ադամյանը: 90-ական թթ., Սեւանը Հայաստանին փրկել է սովից՝ ձկնային պաշարներով եւ գյուղատնտեսության համար ոռոգման ջրով եւ այժմ առավելագույն ուշադրության կարիք ունի, որպեսզի վերականգնվի նախկին մակարդակը:
«Ցավոք, կառավարությունը ճիշտ հակառակն է ասում: Ի հաստատում սրան՝ 2014թ.-ի համար Սեւանից ջրի բաց թողնման շեմի մեծացումը: Գարնանը խոսքը 240 մլն խմ-ի մասին էր, իսկ ամռանը, երբ օրենքն ընդունվեց, թիվը փոխեցին 270 խմ-ի: Եւ ոչ ոք ոչնչի համար չպատասխանեց», - հավելեց Ադամյանը:
Նրա խոսքով՝ չափից դուրս ջրի բաց թողնման եւ ափամերձ տիղմերի մաքրման նկատմամբ անուշադրության արդյունքում լճի ջուրը սկսում է ճահճանալ եւ դրա մեծ մասը այլեւս պիտանի չէ ոռոգման կամ ձկնաբուծության համար: