Jaguar ընկերությունը ներկայացրել է F-Type R-ի հատուկ սպորտային տարբերակը: Ավտոմեքենան, որը մշակել է Jaguar-ի նոր՝ Land Rover Special Vehicle Operations ստորաբաժանումը, թողարկվել է «Տուր դը Ֆրանս» հեծանվարշավում Team Sky խմբին սատարելու նպատակով:
Պահուստային հեծանիվների տեղափոխման համար նոր մեքենայի տանիքին հատուկ ամրակներ են տեղադրել: Ավտոմեքենայի թափքում ռադիոկայանի սնուցման մարտկոց է տեղադրվել, որպեսզի մարզիչը կարողանա կապ պահպանել մարզիկների հետ: Autonews-ի փոխանցմամբ, սպորտային ավտոմեքենան սեւ-երկնագույն է, կողքերին՝ Team Sky մակագրությամբ:
F-Type R-ի տեխնիկական բնութագրերը նույնն են: Ավտոմեքենան թողարկվել է եզակի օրինակով: Այն հնարավոր կլինի տեսնել արդեն հուլիսի 26-ին, հանրահայտ հեծանվարշավի հերթական փուլի ժամանակ:
