Ամերիկացիների մեծ մասը Facebook սոցիալական ցանցում ընկերների ցուցակից չի ջնջում «թշնամիներին»՝ նրանց հետեւելու համար: Այս մասին գրում է The Daily Mail-ը՝ հղում կատարելով CouponCodesPro-ի նոր հետազոտությանը: Հարցմանը մասնակցել է ԱՄՆ ավելի քան 2.57 հազար մեծահասակ:
Պարզվել է, որ Facebook-ի 68% օգտատերերի ընկերների ցուցակում կան մարդիկ, ովքեր նրանց դուր չեն գալիս:
Պատասխանելով հարցին, թե ինչու նրանք այդպիսիններին չեն ջնջում իրենց ընկերների ցուցակից, հարցման մասնակիցների 69%-ն ասել է, որ ցանկանում է իմանալ, թե ինչով են նրանք զբաղվում: Եվս 57%-ը հայտարարել է, որ «թշնամիները» կա՛մ իրենց բարեկամներն են, կա՛մ իրենց կյանքի ուղեկցի ընտանիքի անդամները: 54-ն էլ խոստովանել է, որ խոսքը ներկա կամ նախկին գործընկերների մասին է, որոնց հետ հարկավոր է կապ պահպանել: Իսկ 50%-ը վախենում է «թշնամիներին» ջնջել ընկերների ցուցակից, քանի որ նրանք կարող են «տեսարաններ սարքել»: Հարցվածներ եւս 31%-ը հայտարարել է, որ նման մարդկանց շնորհիվ իրենք կարողանում են հետեւել, թե ինչ են անում ուրիշները:
Ըստ Газета.Ру-ի, հարցումն անցկացնելու պահին հետազոտության մասնակիցների Facebook-յան ընկերների թիվը միջինը եղել է 671 հոգի: Ընդ որում, օգտատերերն իրենց իսկական ընկեր են համարում նրանց շուրջ 18-ին: