News
Լրահոս
News
Ուրբաթ
Մարտ 29
Տեսնել լրահոսը

ՀՀ Վերաքննիչ դատարանը անփոփոխ է թողել 21-ամյա Թոմվաս Վարդանյանին 13 տարվա ազատազրկման դատապարտելու առաջին ատյանի դատարանի որոշումը՝ առանց լսելու ամբաստանյալի ցուցմունքը: Այս մասին NEWS.am-ին ասաց  ամբաստանյալի մայրը՝ նշելով, որ որդուն նույնիսկ առաջին ատյանի դատարանը թույլ չի տվել ցուցմունք տալ:

«Դատի ժամանակ դատավորն ու դատախազը մեր պաշտպանին չէին էլ լսում, իրենց համար զրուցում էին, իսկ վերջում էլ դատավորն անփոփոխ թողեց առաջին ատյանի որոշումը: Տղաս ուզում էր ցուցմունք տալ, բայց դա էլ չթողեցին՝ առանց պատճառաբանելու»,- ասաց դատապարտվածի մայրը՝ Կիմա Վարդանյանը:

Կիմա Վարդանյանի պնդմամբ՝ որդուն մեղադրում են մի բանի մեջ, որն ինքը չի արել: Ըստ մեղադրական եզրակացության՝ օդանավակայանի սրճարաններից  մեկի խոհարար օգնական Թովմաս Վարդանյանը դաժան ծեծի է ենթարկել իրենց մոտ սպասք լվացող Հայկանուշին, քանի որ չի ցանկացել վերադարձնել 500 ԱՄՆ դոլար եւ 100 հազար դրամ պարտքը:

«Դեպքի օրը տղաս Հայկանուշի հետ դուրս են եկել սրճարանից, հետո երկար ժամանակ չկար: Մեկ էլ զանգում է Հայկանուշը, ասում՝ հասեք, օգնեք: Հետո անընդհատ զանգում էինք, չէին պատասխանում, մեկ էլ մի քանի ժամից տղաս զանգեց, թե ես դաշտում եմ ու անջատեց հեռախոսը: Ընտանիքով դուրս եկանք ու սկսեցինք գյուղի կողքի բոլոր դաշտերը ստուգել, հետո մի կերպ տղայիս գտանք դաշտում՝ ծեծված վիճակում»,- դեպքի մանրամասները պատմեց տիկին Կիման:

Որդուն գտնելու հաջորդ օրը Կիմա Վարդանյանն այցելել է վերակենդանացման բաժանմունքում գտնվող Հայկանուշին, որն էլ հայտնել է, թե Թովմասը ցանկացել է սպանել իրեն, քանի որ չի ցանկացել վերադարձնել պարտքը:

«Բայց նման բան չի եղել: Իմ տղան չէր կարող նման կերպ վարվել, բայց դատարանը ոչ մի բան չի լսում: Տղաս երեք անգամ հոգեբուժարան է պառկել, հիմա էլ «Նուբարաշենում» հոգեբույժի հսկողության տակ է, դատերին միշտ շտապօգնության մեքենայով են բերում, տանում»,- ավելացրեց Թովմաս Վարդանյանի մայրը՝ պնդելով, որ այս ամբողջը գործով դատախազի կամայականության արդյունքն է:

Նշենք, որ Թովմաս Վարդանյանին առաջին ատյանի դատարանը մեղավոր է ճանաչել Քրեական օրենսգրքի 34-104-րդ հոդվածի 2-րդ մասի 8-րդ կետով եւ դատապարտել 13 տարվա ազատազրկման:

Տպել
Կարդացեք նաև
Ամբողջը
Կոլումբիայի ամենամեծ հանցավոր խմբավորումը հայտնել է, որ պատրաստ է բանակցել իշխանությունների հետ
Հանցավոր խմբավորումը պատրաստ է բանակցել իշխանությունների հետ...
Հրաձգություն Վաշինգտոնում. երկու մարդ զոհվել է, հինգը՝ վիրավորվել
Հայտնի չէ, թե ով է կրակ բացել կամ ինչն է հանգեցրել հրաձգությանը․․․
Կալիֆոռնիայում մի կնոջ են ձերբակալել, որի ճամպրուկում հայտնաբերել են նրա 5-ամյա որդու մասունքները
2022 թվականի հոկտեմբերին Վաշինգտոնի շրջանի դատավորը Անդերսոնին ձերբակալելու օրդեր է տվել
Կրասնոդարի երկրամասի դատարանը պայմանական վաղաժամկետ ազատել է «օրենքով գող» Շաքրո Մոլոդոյին
Ավելի վաղ VChK-OGPU Telegram ալիքը, հղում անելով իր աղբյուրին, հայտարարել էր, որ մարտի 16-ին պետք է...
Սպանություն Արագածոտնի մարզի «Արծվի թեւեր» հանգստյան գոտու հարեւանությամբ. SHAMSHYAN.com
Ոստիկանները պարզել են նաև, որ նա հիվանդանոց է տեղափոխվել քաղաքացիական ավտոմեքենայով․․․
Չեխիան ԱՄՆ-ին է արտահանձնում վրացի քրեական հեղինակություն Փոլադ Օմարովին
Բացի այդ, ԱՄՆ-ում Օմարովին կասկածում են այնտեղ բնակվող իրանցի լրագրող…
Ամենաշատ