Համացանցում հուզիչ տեսագրություն է հայտնվել, որում բարեհոգի շունը փորձում է խաղալիքներով մխիթարել լաց լինող երեխային, գրում է «Metro» թերթը:
Հոլովակում երեւում է, թե ինչպես է Չառլի անունով շունը գողանում երեխայի խաղալիքը: Երեխան սկսում է լաց լինել, եւ Չառլին զղջում է իր եսասիրական արարքի համար: Կարծես թե ներում հայցելով՝ բերում է իր սիրելի գնդակը եւ դնում երեխայի ճոճաթոռին: Մեղքի զգացումով համակված շունը բերում է նաեւ բազմաթիվ այլ խաղալիքներ, մինչեւ որ երեխան դրանց կույտի տակ չի երեւում: