«Նախագահը զարմանք եւ զայրույթ է հայտնում կառավարոթյան կողմից նախագիծը շարունակելու կապակցությամբ` ի հեճուկս…
Սեւ ծովի հատակով «Հարավային հոսք» գազատարի նախագծման եւ շինարարության հետ կապված բոլոր գործողությունները պետք է դադարեցվեն՝ քանի դեռ նախագիծը չի համապատասխանեցվել ԵՄ օրենսդրության պահանջներին, հայտարարել է Բուլղարիայի նախագահ Ռոսեն Պլեւնելիեւը:
«Նախագահը զարմանք եւ զայրույթ է հայտնում կառավարության կողմից նախագիծը շարունակելու կապակցությամբ` ի հեճուկս նախագիծը ժամանակավորապես դադարեցնելու վերաբերյալ հունիսի 8-ին երկրի վարչապետ Պլամեն Օրեշարսկու հրապարակայնորեն ստանձնած պարտավորության», — ասվում է Բուլղարիայի նախագահի մամուլի ծառայության հաղորդագրությունում, փոխանցում է ԻՏԱՌ-ՏԱՍՍ-ը:
Ավելի վաղ Պլեւնելիեւը ընդգծել էր, որ կաջակցի «Հարավային հոսքի» շինարարությանը, եթե հետեւեն բոլոր ձեւական պահանջներին:
Նշվում է, որ նախագահի պնդումը հնչել է «Գազպրոմի» հետ գազատարի բուլղարական հատվածը ֆինանավորելու վերաբերյալ Բուլղարիայի էներգետիկ հոլդինգի պայմանագիր կնքելու մտադրության լուրին զուգահեռ:
