Քրեական հեղինակություն «Զուբին»՝ Արման Բաբիկյանին, այսօր՝ հուլիսի 23-ին, արդեն կտեղափոխեն հիվանդասենյակ: Այս մասին NEWS.am-ի հետ զրույցում ասաց «Էրեբունի» բժշկական կենտրոնի վերակենդանացման բաժանմունքի վարիչ Արթուր Մուրադյանը:
«Վիճակը կայուն է, ուներ գանգի կոտրվածք, գլխուղեղի սալջարդ: Այսօր արդեն հիվանդասենյակ կտեղափոխենք»,- ասաց նա:
NEWS.am-ին էլ ոստիկանության լրատվական ծառայությունից հայտնեցին, որ հետաքննություն է ընթանում, փաստի առթիվ էլ քրեական գործ հարուցված չէ:
Նշենք, որ «Զուբին» ծեծի են ենթարկել հուլիսի 22-ի գիշերը, նրան տեղափոխել էին վերակենդանացման բաժանմունք: Ըստ տարածված տեղեկությունների՝ նրան ծեծել է ԱԺ ՀՀԿ խմբակցության պատգամավոր Մհեր Սեդրակյանի որդին՝ Երեւանի ավագանու անդամ Դավիթ Սեդրակյանը:
