Ռուսաստանում շուրջ 8.5 մլն թմրամոլ կա, իսկ նրանց մեծ մասը գործազուրկ են: Այս մասին գրում է ИТАР-ТАСС-ը՝ հղում կատարելով ՌԴ Թմրանյութերի տարածման դեմ պայքարի դաշնային ծառայության ղեկավար Վիկտոր Իվանովին:
«Թմրամոլները, իսկ Ռուսաստանում նրանք 8.5 միլիոն են կազմում, մեծ մասամբ չեն աշխատում, եւ ամենօրյա չափաբաժնի համար նրանց գումար է անհրաժեշտ, որը նրանք ձեռք են բերում կա՛մ իրենց նմանների շրջանում թմրանյութ տարածելով, կա՛մ տնտեսապես ակտիվ բնակչության շրջանում գողության եւ կողոպուտի միջոցով, ընդհանուր առմամբ՝ օրական շուրջ 100 մլն դոլարի չափով»,- ասել է Իվանովը:
«Ստացվում է, որ տարեկան երկիրն եւ հասարակությունն առնվազն 25 մլրդ դոլար են կորցնում»,- հավելել է նա: