Քաղաքապետարանը պնդում է, որ մեկ ուղեւորի փոխադրումը միկրոավտոբուսով սխալ է հաշվարկված: Այդ մասին այսօր՝ հուլիսի 23-ին, լրագրողներին հայտարարեց «Իրազեկ եւ պաշտպանված սպառող» հասարակական կազմակերպության նախագահ Բաբկեն Պիպոյանը՝ մեկնաբանելով 2013թ. դեկտեմբերին քաղաքապետարանի կողմից եւ օտարերկրյա խորհրդատու Սեր- Տիոյի ղեկավարությամբ անցկացված եւ 2014թ. ապրիլին ներկայացված հետազոտոթյունը: Գազով աշխատող տրանպորտային միջոցի (հիմնականում միկրոաբտոբուս) երթուղու ինքնարժեքը գնահատվել է 207 դրամ, իսկ դիզելինը՝ 253 դրամ: Ներկայումս երթուղու վճարը կազմում 100 դրամ, իսկ քաղաքապետարանը այն բարձրացնելու մտադրություն դեռեւս չի հնչեցրել:
«Հավաքել են երկրորդ կուրսի սոցիոլոգ-ուսանողների, մեկ օր նրանց նստեցրելեն մի երթուղի, մյուս օրը՝ մեկ այլ: Ես բողոքարկում եմ. իսկ ինչպե՞ս հետեւել ըստ օրերի ծանրաբեռնվածությանը: Ինձ պատասխանել են, որ դա դեռ չի խաղում: Ընդ որում, չեն ստուգել երկուշաբթի եւ ուրբաթ օրերը, իսկ դա կոշտ սխալ է», - ընդգծեց Պիպոյանը: Պատճառն այն է, որ ուսանողների եւ աշխատող քաղաքացիների զգալի մասը Երեւան են գալիս երկուշաբթի առավոտյան եւ միջքաղաքային ավտոբուսներով մեկնում տուն ուրբաթ երեկոյան: «Սա նշանակում է մեկ ավելորդ ուղեւորություն, որը ոչ ոք հաշվի չի առել», - նշել է Պիպոյանը: Դեկտեմբերը եւս մեկ առանձնահատկություն ունի, որը հետազոտողները հաշվի չեն առել՝ վերջին երեք նախամանորյա օրերին ուղեւորությունները կտրուկ նվազում են: Բաբկեն Պիպոյանի խոսքով՝, եթե քաղաքային տրանսպորտի սպասարկող ընկերությունները կարող են փաստարկներով ապացուցել, որ փոխադրումները 100 դրամից թանկ են նստում իրենց վրա, ենթադրենք 110 կամ 120 դրամ կամ ավելին, դա կարելի է ընդունել եւ քաղաքապետարանին առաջարկել մտածել՝ ինչպես կարելի է սուբսիդավորել այդ 10 կամ 20 դրամը: