Ուկրաինան ռուսամետ ակտիվիստներին եւ ռուսական ընկերություններին սատարող Ռուսաստանի քաղաքացիների դեմ պատժամիջոցներ ներդնելու հանձնաժողով է ստեղծել: Այդ մասին հաղորդել է Ուկրաինայի վարչապետ Արսենի Յացենյուկը:
«Ուկրաինայի կառավարության կողմից ստեղծվել է Ռուսաստանի Դաշնության դեմ պատժամիջոցների ներդրման հանձնաժողով: Դրա մեջ կներառվեն ԱԳն, արդարադատության նախարարության ներկայացուցիչները, տնտեսական եւ ֆինանսական բլոկը, ուժային եւ իրավապահ կառույցները», - ասել է Յացենյուկը նախարարների աշխատակազմի նիստի բացմանը, հաղորդում է UNIAN-ը:
«Հանձնաժողովին հանձնարարված է 10 օրվա ընթացքում պետության դիտարկմանը տրամադրել Ուկրաինայի անկախությանն ու տարածքային ամբողջականությանը սպառնացող Ռուսաստանի Դաշնության իրավաբանական եւ ֆիիակական անձանց նկատմամբ անձնական եւ հատվածական պատժամիջոցների ցուցակը», - հայտարարել է Յացենյուկը: