Ոստիկանության Քանաքեռ-Զեյթունի բաժնի ծառայողների եւ Քանաքեռ-Զեյթունի վարչական շրջանի ոստիկանների վետերանների խորհրդի անդամների համատեղ իրականացրած միջոցառումների արդյունքում` հուլիսի 22-ին, ժամը 06.00-ին, «Հաղթանակ» զբոսայգուց բերման են ենթարկվել 1996 թ. ծնված Անդրանիկ Հ.-ն եւ նույն թվականին ծնված Ռաֆայել Մ.-ն:
Ոստիկանության մամուլի ծառայությունից հայտնում են, որ պարզվել է, որ նրանք գիշերը, ժամը 02.30-ին, նշված զբոսայգում գործող սրճարանի պատի վրայով մագլցելով` մուտք են գործել սրճարանի տարածք եւ տեխնիկական միջոցների գործադրմամբ գողացել հեռուստացույց եւ նվագարկիչ` պատճառելով 400.000 դրամի նյութական վնաս:
Գողոնն առգրավված է:
Նախապատրաստված նյութերն ուղարկվել են ոստիկանության Քանաքեռ-Զեյթունի քննչական բաժին:
