Վրացական աշխարհահռչակ «Սուխիշվիլի» ազգային բալետն Ուկրաինայում տեղի ունեցող իրադարձությունների պատճառով հրաժարվել է ելույթ ունենալ Սանկտ Պետերբուրգում: Այս մասին հայտարարել է Վրաստանի ազգային պարի համույթի տնօրեն Նինո Սուխիշվիլին:
«Ուկրաինայում տեղի ունեցող իրադարձությունների պատճառով մենք չեղյալ ենք հայտարարել Պետերբուրգում կայանալիք համերգը: Այլ կերպ հնարավոր չէր: Մենք սատարում ենք ուկրաինացի ժողովրդին, դրոշ ենք բարձրացնում բեմ, իսկ մեկ շաբաթ անց մեկնում ենք Պետերբուրգ… Այդ համերգից մենք հրաժարվել ենք սկզբունքորեն: Մինչ այդ, անկեղծ ասած, առանձնապես առաջարկներ չեն էլ եղել»,- ուկրաինական «1+1» հեռուստաալիքին տված հարցազրույցում հայտարարել է Սուխիշվիլին:
«Ես չեմ կարող մեղադրել այլ արտիստների, ովքեր շարունակում են համերգներով հանդես գալ Ռուսաստանում, քանի որ մարդիկ կարծում են, որ արվեստը հարաբերությունները բարելավելու հրաշալի միջոց է, որ մշակույթն ու սպորտը քաղաքականություն չեն: Ես կարծում եմ, որ արվեստը նույնպես քաղաքականություն է»,- նշել է համույթի ղեկավարը:
