Երեւանը ստիպված է ընտրություն կատարել վատ եւ շատ վատ միությունների միջեւ: Հուլիսի 23-ին կայացած մամուլի ասուլիսում անդրադառնալով Հայաստանի որդեգրած եվրասիական ինտեգրման ուղուն՝ նման կարծիք հայտնեց «Քրիստոնեա-ժողովրդական վերածնունդ» կուսակցության նախագահ Սոս Գիմիշյանը:
Նրա կարծիքով, ինչպես Եվրասիական տնտեսական միությունը, այնպես էլ Եվրամիությունն իրենց առավելություններն ու թերություններն ունեն, եւ չի կարելի միանշանակ ասել, թե դրանցից որն է ավելի լավ կամ վատ:
Ավելին, Գիմիշյանը կարծում է, որ Հայաստանը պետք է համագործակցեր ոչ թե Ռուսաստանի ու Եվրոպայի, այլ Արեւելքի հետ, մասնավորապես՝ Չինաստանի եւ Հնդկաստանի:
Այդ կերպ, ընդդիմադիր գործչի համոզմամբ, պետությունը կկարողանար պահպանել ազգային առանձնահատկություններն ու արժեհամակարգը եւ հաջողությամբ զարգացնել տնտեսությունը: