Աշխարհը հուլիսի 23-ին նշում է կետերի եւ դելֆինների օրը: Այս տոնը սահմանվել էր 1986թ., երբ Կետորսության միջազգային հանձնաժողովը 200 տարվա անխնա սպանդից հետո կետերի որսի արգելք սահմանեց:
Արգելքը գործում է մինչ օրս եւ նշանակում է, որ ամբողջ աշխարհում կետերի որսը եւ կետերի մսի առեւտուրն արգելված է: Սակայն կետերի բիզնեսը միակ վտանգը չէ տվյալ կենդանիների համար, փոխանցում է «Իրադարձությունների օրացույցը»:
Ամեն տարի այս օրը տարբեր բնապահպանական խմբեր եւ կազմակերպություններ կետերի եւ ծովային այլ կաթնասունների պաշտպանության ցույցեր են անցկացնում: Հաճախ բնապահպանները միավորվում են եւ այս օրը նվիրում մեկ բացառիկ տեսակի պաշտպանության, որին սպառնում է մահացու վտանգ կամ վերացում:
