Ճապոնիայի մայրաքաղաքում խանութ է բացվել, որտեղ ընդունվում են ոգելից խմիչքներ: Այստեղ կարելի է հանձնել այն ամենը, ինչ նվեր եք ստացել, սակայն չեք պատրաստվում խմել՝ սակե, վիսկի, օղի, գինի եւ նույնիսկ գարեջուր:
Ճապոնական փոքր բնակարանների համար ավելորդ իրերի խնդիրը միշտ էլ առկա է, իսկ ահա փողն ավելորդ երբեք չի լինում:
Խանութում ապրանքին միայն մեկ պահանջ են ներկայացնում՝ անվնաս փաթեթավորում: Գնորդները կարող են այս խանութում գտնել արտասահմանյան արտադրության բազմաթիվ խմիչքներ կամ հետաքրքիր նմուշներ, փոխանցում է Kedem-ը:
Խմիչքների գինը անհատական է նշանակվում՝ կախված խանութներում դրանց բացառիկությունից եւ մանրածախ արժեքից:
