Քադունա նիգերիական քաղաքում շուկայի պայթյունի հետեւանքով 50 մարդ է զոհվել, հաղորդում է «Ռեյթեր» գործակալությունը՝ վկայակոչելով Կարմիր խաչի տեղական բաժանմունքին:
Ավելի վաղ այդ նույն քաղաքում եւս մեկ պայթյուն էր որոտացել, որին զոհ էին գնացել 30 մարդ: Ոստիկանության տվյալներով՝ ահաբեկչությունը ուղղված էր իսլամիստ հոգեւոր առաջնորդի դեմ, ով վաղ քննադատել է «Բոկո Հարամ» իսլամիստական խմբավորման գործողությունները: Հոգեւորականը ահաբեկչության հետեւանքով չի տուժել, հաղորդում է «ՌԻԱ Նովոստին»:
Հիշեցնենք, որ «Բոկո Խարամը» Նիգերայում ակտիվորեն գործող ծայրահեղական իսլամիստական խմբավորում է: Նրա զինյալները հանդես են գալիս կրթության արեւմտյան մոդելի դեմ եւ ձգտում են ամբողջ երկրում շարիաթի հաստատմանը:
