Ոստիկանության Նոր Նորքի բաժնի աշխատակիցներին հաջողվել է պարզել Նոր Նորքի 6-րդ զանգվածում գործող գեղեցկության սրահներից մեկի վարսահարդար Լիանա Խաչատրյանը, որը մեղադրվում է Շիրակի փողոցի շենքերից մեկի երկրորդ հարկի աստիճավանդակի վրա մի կնոջ պարանոցից ոսկյա շղթա գողանալու մեջ, կատարել է նաեւ այլ գողություն:
Հունիսի 11-ին նույն գեղեցկության սրահում փորձաշրջան անցնող Լիանան այցելուի մազերը հարդարելու ընթացքում հասցրել է հափշտակել վերջինիս ոսկյա շղթան: Լիանան այնպես հմտորեն է գողացել շղթան, որ այցելուն չի նկատել, սակայն երբ մեկ ժամ անց վերադարձել եւ վարսահարդարին մեղադրել է գողություն կատարելու մեջ, Լիանան սկսել է արտասվել եւ նեղացած ձեւանալ: Ոստիկանությունում արդեն Լիանան ստիպված էր ընդունել կատարած հանցանքը:
Նշենք, որ Լիանա Խաչատրյանը հունիսի 24-ին Շիրակի փողոցում մի կնոջ վզից հափշտակել էր ոսկյա շղթան եւ դիմել փախուստի: Տարածքը հսկող տեսանկարահանող սարքերն արձանագրել էին կատարվածը, եւ ոստիկանները մի քանի օրից հայտնաբերել էին գողին:
Մանրամասները՝ ոստիկանության պատրաստած տեսանյութում: