Ավստրալացի ձկնորս Ուորեն Սմիթին հաջողվել է հազվագյուտ եւ զարմանալի կադրեր նկարահանել: Սմիթը գնացել է ձկնորսության՝ հաճելի ժամանակ անցկացնելու նպատակով, եւ ականատես դարձել, թե ինչպես է հինգ մետր երկարությամբ կոկորդիլոսը կերել իր երեք մետրանոց ցեղակցին:
Ըստ Mail Online-ի, Սմիթն ու նրա ուղեկիցները գետի ափին պառկած մեծ կոկորդիլոս են տեսել, որի բերանից ցցված է եղել նրա ավելի փոքր եղբոր պոչը: Սմիթը պատմել է, որ երբ իրենց ձկնորսական նավակը մոտեցել է կենդանիներին, փոքր կոկորդիլոսի մարմնի երկու երրորդն արդեն եղել է մեծ կենդանու ներսում:
FedPost.ru-ի փոխանցմամբ, ձկնորսն ասել է, որ կոկորդիլոսները հաճախ են նման վարք դրսեւորում, հատկապես բույն դնելիս, երբ մայրը պաշտպանում է իր փոքրիկներին: