Ամերիկյան Նեբրասկա նահանգում զույգը հարսանիքի համար արտառոց վայր է ընտրել՝ Օմահայի ամենամեծ գերեզմանոցը: Այդ մասին հաղորդում է ABC հեռուստաալիքի կայքը՝ վկայակոչելով Omaha World-Herald թերթը:
Ջանիլ Ջումադինովան եւ Օլիվեր Բոնեմ-Քարթերը ամուսնացել են ֆորեսթ-Լոն գերեզմանոցում: Արարողությունը կայացել է շքեղ ձեւավորված 101-ամյա զանգակատանը: Ազգությամբ ղրղըզ հարսնացուն հայտնել է, թե իր հայրենիքում հավատում են ոգիներին: Փեսացուի նախնիներից մի քանիսը թաղված են այդ գերեզմանոցում:
Զույգը տարեսկզբին ամուսնացել էր Փենսիլվանիայում, սակայն եւս մեկ արարողություն էին ուզում կազմակերպել, որին կկարողանային մասնակցել ընկերներն ու բարեկամները: