Նիգերիան, Նիգերը, Չադը եւ Կամերունը պայմանավորվել են ստեղծել միացյալ բանակային խմբավորում` «Բոքո Հարամ» ծայրահեղական իսլամական կազմակերպության դեմ պայքարելու համար, որը գործում է հիմնականում Նիգերիայի հյուսիսային տարածքում:
Չորս երկրներից յուրաքանչյուրը ուղարկում է 700-ական զինվոր, փոխանցում է BBC-ի ռուսական ծառայոթյունը:
Նիգերիայում «Բոքո Հարամի» զոհ են դարձել արդեն հազարավոր մարդիկ, իսկ մի քանի ամիս առաջ գրոհայիններն առեւանգել էին 200-ից ավելի աշակերտուհու, որոնք մինչ օրս չեն ազատվել:
Իսլամիստների ազդեցությունը տարածվում է Չադ լճի ողջ շրջակայքում, այդ պատճառով էլ Քամերունը, Չադը եւ Նիգերն աջակցում են Նիգերիային` «Բոքո Հարամի» դեմ պայքարում: