Դոնբասում Բոինգին հարվածած հրթիռի պայթյունից հետո, ինքնաթիռի ուղեւորների մեծ մասը ողջ են եղել եւ վայր են ընկել լիովին գիտակից վիճակում: Այդ մասին հաղորդել է «Բոինգ 777»-ի օդաչու Ջորջ Պատրիկ Միլսը, հաղորդում է UNN-ը:
«Որպես Բոինգի օդաչու, ես կարող եմ միայն ասել, որ պայթյունից հետո շատ մարդիկ ողջ են եղել…180 վայրկյանի, այսինքն 3 րոպեի ընթացքում նրանք 10 կմ բարձրությունից ընկել են վայր կենդանի վիճակում:
Ես չեմ կարող փոխանցել այդ իրավիճակի ողջ սարսափը: ԱՄՆ օրենքով, նույնիսկ մահվան դատապարտված հանցագործը չի տանջվում, իսկ այստեղ ընտանիքներն իրենց երեխաների հետ հանգստի էին մեկնել: Նման դեպքեր այլեւս չպետք է կրկնվեն», - ասել է օդաչուն: