Ռուսաստանի համար արեւմտյան պատժամիջոցների ազդեցությունը հնարավոր չէ կանխատեսել, հուլիսի 24-ին լրագրողներին հայտնել է ՀՀ էկոնոմիկայի նախարար Կարեն Ճշմարիտյանը: Ըստ նրա՝ հետեւանքների մասին խոսելը աննպատակահարմար է երկու պատճառով:
Նախ, առայժմ հստակ չէ՝ ինչ որոշակի տեսք կունենան պատժամիջոցները, որ ձեռնարկությունների կամ տնտեսական որ բնագավառի վրա կտարածվեն: Երկրորդ, այդ պատժամիջոցներն անխուսափելիորեն կրում են երկկողմանի բնույթ եւ որպես կանոն անդրադառնում են նաեւ դրանց հեղինակների վրա: «Այդ պատճառով դժվար է կանխատեսել՝ ինչպես այդ պատժամիջոցները կանդրադառնան Ռուսաստանի, առավել եւս՝ Հայաստանի վրա», - նշել է նախարարը:
