Ռուս ընդդիմադիրներ Սերգեյ Ուդալցովը եւ Լեոնիդ Ռազվոզժաեւը մեղավոր են ճանաչվել 2012թ. մայիսի 6-ին Բոլոտնոյ հրապարակում զանգվածային անկարգությունների կազմակերպման մեջ: «ՌԻԱ Նովոստիի» փոխանցմամբ, դատարանը դեռ ընթերցում է մեղադրական ճառը եւ պատժամիջոցը դեռեւս չի հնչել: Դատարանի շենքը հսկվում է ոստիկանության ուժեղացած կարգախմբի կողմից:
Այդ ընթացքում,փաստաբան Դմիտրի Ագրանովսկին «ՌԻԱ Նովոստիին» հաղորդել է, որ մտադիր է բողոքարկել ՌԴ Գերագույն դատարան եւ հասնել դատավճռի չեղարկմանը:
Դատական գործընթացն ընթանում է 2014թ. փետրվարի 18-ից: Ոչ Ուդալցովը, եւ ոչ էլ Ռազվոզժաեւ իրենց մեղքը չեն ընդունել: Հուլիսի 7–ին, կողմերի լսումների ժամանակ, դատախազները մեղադրյալների համար խնդրել են 8 տարվա ազատազրկում, ինչպես նաեւ Ռազվոզժաեւի նակտմամբ 150 հազար ռուբլի տուգանք:
Ավելի վաղ, զանգվածային անկարգությունների կազմակերպման մեջ մեղադրվող նրանց համախոհ Կոնստանտին Լեբեդեւը ընդունել էր մեղքը եւ քննության հետ գործարք կնքել: 2013թ. ապրիլին դատարանը 2 տարվա ազատազրկման էր դատապարտել վերջինիս: 2014թ. մայիսին Լեբեդեւը պայմանական-ժամկետից շուտ ազատ էր արձակվել:
Ավելի վաղ, Մոսկվայի դատարանը անկարգությունների մասնակիցներին 3 տարի երեք ամսից մինչեւ 4 տարի պայմանական ազատազրկման էր դատապարտել: Մի քանի մասնակիցներ համաներման են արժանացել: