Քալիֆորնիական համալսարանի գիտնականները պարզել են, որ քնի խախտմամբ տառապող մարդիկ ոչ միայն ավելի մոռացկոտ են դառնում, այլեւ կարող են այնպիսի բաներ «հիշել», որոնք իրականում նրանց կյանքում տեղի չեն ունեցել:
Հետազոտողները գիտափորձ են անցկացրել՝ կամավորներին բաժանելով երկու խմբի: Մի խմբին թույլ են տվել բավականաչափ քնել, իսկ ահա մյուս խմբում ընդգրկվածները քնել են 5-6 ժամ:
Վերջինները մասամբ վատ են հիշել նույնիսկ նախորդ օրը իրենց հետ տեղի ունեցածը, իսկ ոմանք էլ գոյություն չունեցող փաստեր են հորինել:
Ըստ Informing-ի, այս հետազոտությունը հաստատում է լիարժեք քնի անհրաժեշտությունը, որի պարբերական բացակայությունը բերում է մի շարք հիվանդությունների, օրինակ՝ շաքարախտ, հիպերտոնիա, Այլհեյմեի հիվանդության եւ նույնիսկ հիշողության կորստի: