Սակիների ընտանիքը Բոլոնիայում գտնվող իրենց տնակի նկուղում «գանձ» են գտել: Մինչեւ շենքը ձեռք բերելը, այն շատ տարիներ դատարկ է եղել եւ գրեթե կիսաքանդ վիճակում:
Գանձն իրենից ներկայացնում է 41 մլն հին իտալական լիրայի արժողությամբ թղթադրամներ: Սակի ամուսինները փորձել են հին փողերը փոխարկել եվրոյի, սակայն բախվել են Bankitalia-ի արգելքին:
Բանկի ներկայացուցիչները հայտարարել են, որ լիրան եվրոյի վերածելու ժամկետը վաղուց անցել է եւ գտնված գումարները պարզապես թղթե թափոն են:
Ամուսինները իրավաբաններ են վարձել եւ դատաքննություն սկսել, հաղորդում է Euromag-ը: Ծայրահեղ դեպքում նրան մտադիր են թղթադրամները կոլեկցիոներներին վաճառել: