Հայաստանի Մեղրիի շրջանի գյուղացիները 4,55 մլն դրամ (11 հազար դոլար) փոխհատուցում կստանան: Համապատասխան որոշումն ընդունվել է այսօր՝ հուլիսի 24-ին, կառավարության նիստին: Գումարը կտրամադրվի որպես փոխհատուցում 2013թ. ընթացքում ոռոգման նպատակներով պոմպահանվող ջրի ծախսերի համար: Նշված գումարը կբաժանվի 72 գյուղացիական տնտեսությունների մեջ:
Հիշեցնենք, որ արտասահմանյան վարկային ծրագրերի շրջանակներում Սյունիքի մարզի Մեղրիի շրջանի մի շարք պոմպային համակարգեր կդառնան ինքնահոս, ինչը թույլ կտա նվազեցնել ոռոգման ջրի ինքնարժեքը: Ծրագրի շրջանակներում ոռոգման ջուրը կտրամադրվի ոչ թե Արաքսից, այլ նրա վտակներից: