Հայաստանի ԱԻՆ փրկարար ծառայության բժշկական ապահովման վարչության կողմից շարունակվում է իրականացվել «Արձագանք. բուժմիավորումներ» ծրագիրը։ Շվեյցարիայի Զարգացման եւ համագործակցության գործակալության (SDCA) ֆինանսական աջակցությամբ իրականացվող ծրագրի 3-րդ փուլի ընթացքում աղետների բժշկության հրահանգիչի վերապատրաստման դասընթացներ են անցել Սյունիքիմարզի 100 եւ Գեղարքունիքի 80 բուժաշխատողներ:
«Արձագանք. բուժմիավորումներ» ծրագրի երեք փուլերի ընթացքում վերապատրաստված բուժանձնակազմի հետ Տավուշի մարզի ԱԻՆ ՓԾ ՀՓՋ-ների եւ Իջեւանի, Բերդի, Նոյեմբերյանի, Դիլիջանի քաղաքային բուժհաստատությունների վերապատրաստված բուժանձնակազմի հետ անցկացվել է 4 ուսումնավարժանք եւ Վայոց Ձորի Եղեգնաձորի ՀՓՋ-ի եւ Վայքի, Եղեգնաձորի քաղաքային բուժհաստատությունների վերապատրաստված բուժանձնակազմի հետ 1 ուսումնավարժանք, Գեղարքունիքի մարզի ԱԻՆ ՓԾ ՀՓՋ-ների եւ Գյումրիի, Ամասիայի, Աշոցքի, Արթիկի եւ Մարալիկի քաղաքային բուժհաստատությունների բուժանձնակազմերի հետ անցկացվել է 5 ուսումնական վարժանք, Լոռու մարզի ԱԻՆ ՀՓՋ-ների եւ Ալավերդու, Վանաջորի, Ստեփանավանի եւ Սպիտակի բուժհաստատությունների բուժանձնակազմերի հետ անցկացվել է 4 ուսունական վարժանքներ, Սյունիքի մարզի ԱԻՆ ՀՓՋ-ների եւ Կապանի, Մեղրու, Գորիսի եւ Սիսիանի բուժհաստատությունների բուժանձնակազմերի հետ անցկացվել է 4 ուսումնական վարժանք եւ Գեղարքունիքի մարզի ԱԻՆ ՀՓՋ-ների եւ Ճամբարակի, Սեւանի, Գավառի եւ Մարտունու բուժհաստատությունների բուժանձնակազմերի հետ անցկացվել է 4 ուսումնական վարժանք:
Համատեղ ցուցադրական վարժանքներ են իրականացվել ՓԾ Գեղարքունիքի մարզային վարչության Մարտունու ՀՓՋ-ի եւ Մարտունու Բուժհաստատության, ինչպես նաեւ Դիլիջան քաղաքի ՀՓՋ-ի եւ Բուժհաստատության հետ: