Հայ զբոսաշրջիկների միավորման լոս-անջելեսյան բաժանմունքը կազմակերպում է 100 կմ-անոց քայլերթ Հայոց ցեղասպանության զոհերի պատվին՝ կապված ողբերգության հարյուրամյակի կապակցությամբ: Այդ մասին գրում է «Asbarez»–ը:
Չորս օր տեւողությամբ քայլերթն Անջելեսի ազգային պարկում եւ Լոս-Անջելեսի ավազանում կկազմակերպվի 1.5 մլն զոհերի հիշատակը հարգելու նպատակով. կներկայացվեն տանջանքների տեսարանների մի մասը: Մասնակիցները կանցնեն ողջ ուղին անհատապես կամ խմբով: Նրանք հովանավորներ կհավաքեն, իսկ ներգրավված միջոցները կօգտագործվեն նախագծերի համար՝ կապված ցեղասպանության հետ, որոնց մասին կհայտարարեն առաջիկայում:
Այս կապակցությամբ նախագծի կազմակերպիչ եւ նախաձեռնող Ռոբերտ Ասարյանն ասել է. «Մենք կհիշենք 100 տարվա հերքման եւ զրկանքների մասին՝ անցնելով 100 կմ: Դա ամրության մեր տուրքը կլինի եւ կօգնի ապագայի հիմքեր դնել: Մեր ջանքերի շնորհիվ մենք մեր նախնիների եւ մեր ժողովրդի դեմ զանգվածային անարդարության վերացման համար աշխատանքների միջոցներ կհայթայթենք»: