Իրաքի տարածքի մի մասը վերահսկող «Իսլամական պետություն» խմբավորման զինյալները բոլոր կանանց կանացի թլպատման են ուղարկել, հաղորդում է «Ռուսկայա պլանետան»՝ վկայակոչելով Իրաքում մարդասիրության հարցերով ՄԱԿ-ի համակարգող Ժակլին Բադկոկին:
Կազմակերպության ներկայացուցիչը ճշտել է, որ իսլամիստները հրամայել են թլպտման ենթարկել 11-46 տաերկան միլիոնավոր կանանց եւ աղջիկների: Կանացի թլպատումը առանց բժշկական ցուցումների կանացի սեռական օրգանների հեռացումն է կամ խեղումը:
Զինյալները վերահսկում են Իրաքի հյուսիսային տարածքը, այդ թվում՝ մեծությամբ երկրորդ քաղաքը՝ Մոսուլը, Բայջիում գտնվող խոշորագույն նավթավերամշակող գործարանն ու այլ ռազմավարական նշանակության տարածքներ:
Մոսուլը լքել են բոլոր քրիստոնյաները, քանի որ զինյալները խոստացել են պատժել բոլորին, ովքեր չընդունեն իսլամն ու մինչեւ հուլիսի 19-ը չլքեն քաղաքը: Իսլամիստները նաեւ ոչնչացրել են քաղաքի մի քանի քրստոնեական սրբատեղիները, այդ թվում՝ 1800-ամյա եկեղեցի: